A AESAN, en colaboración con outras entidades e dentro da estratexia NAOS, desenvolveu un programa para facilitar a accesibilidade do consumidor a menús saudables nos restaurantes, contribuíndo a difundir recomendacións sobre estilos de vida saudables (alimentación e actividade física) e Dieta Mediterránea.

DECÁLOGO DO MENÚ SAUDABLE:

1. Polo menos un de cada tres primeiros pratos será a base de verduras, hortalizas ou legumes.

2. Ofreceranse hortalizas, verduras ou legumes como alternativa de guarnición nos segundos pratos.

3. Polo menos unha de cada tres opcións de sobremesa serán froita fresca (enteira ou manipulada, como macedonia), zumes naturais ou froitos secos.

4. Existirán sempre pratos de peixe como opción de segundo prato.

5. Disporase de preparacións culinarias que non requiran a adición de gran cantidade de graxa (cremas, manteiga, margarinas, ou una gran cantidade de aceite) e empregarán técnicas como as coccións alimentarias ao vapor, forno, grella, salteado, prancha, etc.

6. Existirá a posibilidade de elixir medio menú: un prato (a elixir entre os primeiros ou segundos pratos) e sobremesa, ou ben menús completos a base de medias racións.

7. Ao sentarse os comensais, ofreceráselles unha botella de auga nas mesas. As bebidas alcohólicas (viño, cervexa ou cava) poderanse solicitar por copas ou en unidades individuais.

8. Ofrecerase aceite de oliva virxe para os aderezos.

9. Ofrecerase pan integral como alternativa ao pan branco.

10. Non haberá saleiros sobre as mesas ao alcance dos clientes e existirá a alternativa de menús baixos en sal con condimentos alternativos (pementa, especies, herbas aromáticas, etc.).